Bilanagreining og algengar lausnir í þrívíddarprentun

Þegar prentunin heppnast ekki eins og til var ætlast er oftast um fáeinar algengar ástæður að ræða. Hér eru algengustu vandamálin og hvernig þú leysir þau.

1. Þráðamyndun (Stringing / Oozing)

Einkenni: Fínir köngulóarvefir eða þræðir myndast á milli ólíkra hluta prentverksins þegar prenthausinn færir sig á milli svæða.

• Lausn 1: Stilla inndrátt (Retraction settings).

  Auktu inndráttarlengd (retraction distance) og hraða (retraction speed) í stillingum (slicer). Það dregur plastið til baka áður en hausinn færist yfir í næsta hluta.

• Lausn 2: Lækka prenthita.

  Ef efnið er of heitt verður það of fljótandi og lekur auðveldara úr stútnum (nozzle). Prófaðu að lækka hitann um 5°C–10°C.

• Lausn 3: Þurrka þráðinn.

  Mikil þráðmyndun er eitt helsta tákn þess að raki sé í plastþræðinum (sérstaklega með PETG, TPU og PEBA).

2. Efnið verpist eða krullast upp (Warping)

Einkenni: Hornin eða botninn á prentverkinu lyftast upp frá prentplötunni, sem getur valdið því að verkið skekkist eða losni alveg.

• Lausn 1: Athuga hitastig á prentplötu (Bed Temperature).

  Tryggðu að plötuhitinn sé réttur fyrir efnið (t.d. ~60°C fyrir PLA, ~70°C–80°C fyrir PETG, ~100°C fyrir ABS/ASA).

• Lausn 2: Nota lokað rými (Enclosure) og slökkva á viftu.

  Kalt loft/trekkur í herberginu fær plastið til að dragast snögglega saman. Fyrir ABS og ASA er lokaður prentari nauðsynlegur. Slökktu eða minnkaðu kæliviftuna (part cooling fan) á fyrstu lögunum.

• Lausn 3: Nota „Brim“ eða „Raft“ og bæta viðloðun.

  Bættu við Brim í stillingum til að stækka snertiflöt við plötuna. Hreinsaðu plötuna vel með Isopropyl spritti (IPA) eða notaðu viðloðunarefni 3D-lím

3. Fyrsta lagið festist ekki (First Layer Issues)

Einkenni: Efnið krullast utan um stútinn, myndar köggla eða festist einfaldlega ekki við prentplötuna.

• Lausn 1: Stilla Z-Offset (fjarlægð stúts frá plötu).

  Ef stúturinn er of langt frá plötunni er plastinu „sleppt“ í loftið frekar en að þrýstast niður. Ef hann er of nálægt getur plastið ekki komist út.

• Lausn 2: Jafna prentplötuna (Bed Leveling).

  Tryggðu að platan sé alveg jöfn, hvort sem það er gert handvirkt eða með sjálfvirkri jöfnun (Auto Bed Leveling).

• Lausn 3: Þrífa prentplötuna vel.

  Fita úr fingrum kemur í veg fyrir að plastið festist. Þvoðu PEI-plötuna með uppþvottalegi og volgu vatni eða þurrkaðu af henni með spritti

4. Vantar efni / Of lítið efni (Under-extrusion)

Einkenni: Lög í prentuninni líta út fyrir að vera hálftóm, gataðar hliðar, veik uppbygging eða eyður í flötum.

• Lausn 1: Athuga með stíflaðan stút (Partial Clog).

  Aðskotahlutir eða brunnið plast geta stíflað stútinn. Framkvæmdu „Cold Pull“ eða notaðu fína hreinsinál.

• Lausn 2: Hækka prenthita eða minnka prenthraða.

  Ef prentað er of hratt eða við of lágan hita nær mataranum (extruder) ekki að bræða plastið nógu hratt miðað við þann hraða sem er beðið um.

• Lausn 3: Athuga drifhjól matara (Extruder gears).

  Passaðu að drifhjólin séu hreinsuð af plastryki og að spennan á þeim sé rétt svo þau slípi ekki þráðinn.

5. Of mikið efni (Over-extrusion)

Einkenni: Prentunin lítur út fyrir að vera ójöfn, lögin ýtast út til hliðanna, eða yfirborðið er óslétt og gróft.

• Lausn 1: Stilla „Flow Rate“ / „Extrusion Multiplier“.

  Lækkaðu flow rate í sneiðaranum um 2%–5% í einu (dæmi: úr 100% niður í 95%).

• Lausn 2: Athuga þvermál þráðar (Filament Diameter).

  Kannaðu með rennimáli hvort plastþráðurinn sé örugglega 1.75 mm en ekki ójafn eða of þykkur.

Samantekt á stillingum